- "KCDP 8-6 Éascú agus tacú le Tobar Dhuibhne (2017), Plean Teanga Daingean Uí Chúis agus Plean Teanga Chiarraí Theas (2019)."
Cuireann Tobar Dhuibhne, Plean Teanga Chiarraí Thiar, fáilte i bprionsabal roimis an moladh seo, ach go mbeadh sé leasaithe leis an bhfoclaíocht a leanas, nó a mhacasamhail:
"KCDP 8-6 Éascú agus tacú le Pleananna Teanga an Chontae: Tobar Dhuibhne - Plean Teanga Chiarraí Thiar (2018), Dúchas an Daingin - Plean Teanga do Bhaile Seirbhíse Gaeltachta Daingean Uí Chúis agus Brí Uíbh Ráthaigh - Plean Teanga Chiarraí Theas (2019), go háirithe leis an sprioc atá acu líon na gcainteoirí laethúla Gaelainne a ardú go fadtéarmach sna Ceantair Ghaeltachta."
Mar atá raite sa cháipéis in 8.1, ní mór gach aon iarracht a dhéanamh ar thraidisiún na Gaeltachta, agus labhairt laethúil na Gaelainne sna ceantair Ghaeltachta a chosaint, a choiméad beo agus a chur chun cinn trí pholasaithe réamhghníomhacha uileghabhálacha ó Chomhairle Contae Chiarraí.
Luaitear chomh maith go bhfuil daonra na gceantar Gaeltachta méadaithe, ach san abairt chéanna ba chóir go mbeadh aitheantas ann go bhfuil líon na gcainteoirí laethúla Gaelainne titithe (rud atá léirithe in 8.1.2), agus gur fadhb ana mhór í an treocht seo d'inmharthanacht na teangan. Is dúshlán ana mhór í seo dos na pobail Ghaeltachta, don bpleanáil teanga, do Chomhairle Contae Chiarraí, agus don gContae tré chéile.